Мицкоски: Ги поддржувам бранителите, но СДСМ го поднесоа законот за да прават етнички тензии
Законот за бранителите, кој вчера се најде на дневен ред на собраниската седница, е поднесен од СДСМ, од страна на пратеничката Славјанка Петровска, рече денеска премиерот Христијан Мицкоски. Запрашан за коментар по најавите од коалицијата ВЛЕН дека ќе поднесат ист таков закон и за припадниците на поранешната ОВК, Мицкоски рече:
„Бранителите ја имаат и ќе ја имаат мојата недвосмислена поддршка. Овој закон е поднесен од пратеничката Славјанка Петровска, односно од СДСМ и она што е интересно – кога се гласаше потребата од дневниот ред СДСМ ја напушти седницата. Зошто го вела ова, затоа што СДСМ не го поднесуваат законот затоа што мислат добро на бранителите, туку за да создадат ваква состојба. За да создадат повторно етнички тензии“, рече Мицкоски.
