Француската полиција приведе 12 осомничени откако 145 лица пријавиле дека биле избодени со шприцеви за време на годишниот уличен музички фестивал во земјата, соопштија официјални лица во неделата.
Официјалните лица не кажаа дали станува збор за случаи на таканаречени боцкања со игли со дроги за силување, како што се флунитразепам или гама-хидроксибутират, познат и како „Џи“, кои напаѓачите ги користат за да ги онесвестат жртвите и да ги направат ранливи на сексуален напад.
„Некои жртви беа однесени во болница на токсиколошки тестови“, соопшти министерството. Истрага беше покрената во Париз откако три лица, меѓу кои 15-годишно девојче и 18-годишен маж, пријавија дека биле избодени во одделни инциденти низ Париз, соопштија обвинителите. Сите тројца пријавија дека се чувствуваат лошо.
