Предлог-законот за проверка на имотот се очекува да биде готов во втората половина на мај
Работната група во Владата започна со изготвување на законот за потекло на имот. Од кабинетот на вицепремиерот за борба против корупцијата, Љупчо Николовски велат дека групата вклучува странски експерти, домашни и релевантни државни институции како што се: Управата за јавни приходи, Финансиската полиција, Управата за финансиско разузнавање, Антикорупциската комисија итн. Практиките од Литванија, Велика Британија и Србија биле земени како основа за студијата за изводливост. Целта на законот е данокот на стекнат имот, додека ефектот треба да биде конфискација на нелегално стекнатиот имот.
Кабинет на вицепремиерот за борба против корупцијата
„Нашата определба е законот да вклучува сегашни (избрани и именувани) јавни функционери, поранешни функционери и граѓани. Сепак, конечната форма на законот ќе зависи од мислењето на експертите“.
Дилемата, која според наши извори сè уште останува тема на дискусија во работната група е за институцијата носител на процесот. Мислењето на експертите, засновано врз практиките во Србија, е дека тоа треба да биде Управата за јавни приходи, но има и предлози за износи близу минималната законска граница во истрагата да бидат вклучени Финансиската полиција или Управата за Финансиско разузнавање. Премиерот Зоран Заев сака законското решение да ги исполнува европските стандарди, но и да се спроведе во Северна Македонија.
Предлогот се очекува да биде готов во втората половина на јуни, кога следува јавната дебата и фазата на консултации со политичките партии. Политичките субјекти до оваа фаза не биле вклучени во процесот. Сè уште не се знае дали законот ќе биде предложен како дел од систематските закони за кои во Собранието ќе биде потребно 2/3 од вкупните гласови или ќе биде закон што ќе биде усвоен со просто мнозинство. Ниту граѓаните, ниту деловната заедница не се информирани за оваа иницијатива.
Adrian Kerimi
