Русковска: Во „27 април“ нема обвинети за дело тероризам

Кривичното дело тероризам и делото терористичко загрозување на уставниот поредок и безбедноста се различни и во случајот за 27 април никој не е обвинет за тероризам, вели во вечерашното гостување во емисијата „360 Степени“ на Алсат, шефицата на Обвинителството за гонење организиран криминал и корупција, Вилма Русковска.

Advertisements

„Кривичното дело тероризам и ова кривично дело, терористичко загрозување на уставниот поредок и безбедноста, имаат сосема различен објект на заштита и дејствата на извршување се многу поразлични. Така што тука никој не е обвинет за тероризам, ниту одговара за тероризам. Обвинети за тероризам беа од „Диво Насеље“. Тие беа обвинети за тероризам, а тука никој не е обвинет за тероризам“, вели Русковска.