Државата не може напред со национализмот на Мицкоски и на Села, вели Заев
Со Мицкоски и со Села државата не може да напредува, вели премиерот Заев во вечерашното гостување во емисијата „200“ на Алсат. Запрашан за коментар во врска со наводите на опозицијата дека државата не може да напредува со актуелната власт, Заев вели:
„Е, не, со Мицкоски и со Зијадин Села ќе оди напред…Не може, заглавени во својата националистичка преокупација како филозофија, како политичка определба да можат да кажат, во едно мултиетничко општество, да кажат дека со нив ќе оди напред…на нивните митинзи сѐ уште зборуваат за чиста Македонија, до пред некое време правеа протести за да ги ограничат правата на помалите заедници, пред сѐ албанската. Албанската опозиција се сили и билда мускули на темата албански национализам. Тоа нема иднина, тоа не носи напред“, рече Заев.
