Сите партиски лидери очекуваат победа во вториот круг гласање
Уште пред да бидат објавени официјалните резултати, лидерите на политичките партии излегоа со своите оценки за изборниот процес. Од СДСМ се изненадени од лошиот резултат, но сметаат дека сè уште се во трка за да освојат најголем број од општините. Зоран Заев рече дека ова е порака од граѓаните, но оти неговата партија со крената глава оди во втор круг.
Христијан Мицкоски пак, изјави дека со победата на ВМРО-ДПМНЕ во првиот круг, легитимитетот за да владее ѝ припаѓа на опозицијата. Тој очекува уште поголем број општини за ВМРО во втор круг.
Али Ахмети изјави дека во вториот круг неговата партија ќе освои мнозинство од албанските општини, додавајќи дека тие се единствениот албански субјект што го зголемил бројот на гласачи.
„Во неделата беше демонстрирана демократска култура бидејќи изборите се огледало на државата во која овој процес помина како што е најдобро. ДУИ победи на изборите во првиот круг во општините Сарај, Липково и Пласница, додека во вториот круг води во општините Тетово, Чаир, Кичево, Струга, Желино, Теарце, Боговиње, Арачиново и Долнени.“
Лидерот на албанската опозиција, Зијадин Села изјави дека ДУИ загубила во своите упоришта, додека по Гостивар, во вториот круг, се очекува длабока победа и во Струга.
„Ние, како коалиција, прогласуваме победа во првиот круг во општините Гостивар и Дебар додека во пет други општини одиме во втор круг каде ќе има бараж. Разбирливо е дека сме фокусирани и верувам дека ќе успееме, така што бројот на општини што ќе ги води албанската опозиција ќе биде уште поголем.“
Партиските претседатели оценија дека е прерано да се зборува за предвремени парламентарни избори и оти фокусот сега е врз вториот круг од локалните.
Adrian Kerimi
