Бектеши кажа на кој датум замрзнувањето ќе ги врати цените
Министерот за економија Крешник Бектеши во интервју за емисијата „Економски Магазин“ на Алсат зборуваше за замрзнувањето на цените на основните производи. Тој рече дека со оваа одлука цените ќе се вратат на вредностите од 1 декември.
„Одлуката е објавена во Службен весник, а од денеска ќе почнат и контролите на Инспекторатот да се утврди дали сите цени на производите опфатени со одлуката се вратени на цената од 1 декември. Се однесува на 1 декември имајќи предвид дека ваквите одлуки за замрзнување на цените на основните производи може да се носат само во услови на криза или во вонредни услови, со оглед на тоа што се наоѓаме во време на криза во енергетскиот сектор, што индиректно влијае зголемувањето на инфлацијата“, рече Бектеши.
„На оваа листа ќе се најдат и јајцата и оризот, но ако повторно забележиме пораст од над 2,5% – 3% на другите производи, сигурно ќе се додадат на листата“, нагласи тој.
