Туристичката сезона на Попова Шапка се очекува да започне навреме
Снежните врнежи во последните два дена направија туристичката сезона во Попова Шапка да започне навреме и со полн капацитет. Дебелината на снегот во оваа туристичка точка надмина еден метар. Од Елем Турс велат дека годинава посетителите ќе имаат на располагање ски-лифтови, но нивната употреба ќе зависи од временските услови.
„Се е при крај, имаме доволно снег, капацитетите на ски-лифтовите се во добра состојба и сите се тестирани. Со почетокот на сезоната ќе ги пуштиме сите ски-лифтови, но зависи од климатските услови, ветерот и другите услови, на денот на отворањето на сезоната ќе се одлучи кој е погоден да биде пуштен, бидејќи треба да се земе во предвид безбедноста на туристите“, вели Адем Авзиу- директор на Елем Турс.
Капацитетите на хотелите се речиси полни, и државни и приватни. Голем е интересот на туристите од Албанија и Косово. 85 отсто од капацитетот е веќе резервиран.
„Како што се вели добар почеток е половина работа. Голем е интересот не само од туристите од Албанија туку и од Косово и странски туристи. Резервиран е 85 отсто од хотелот, кој за време на викендот достигнува сто отсто“, рече Елтон Аполони Менаџер на хотел.
За 100 или 200 денари се зголемени билетите за скијање и за изнајмување скии. Но, и покрај поскапувањето, интересот од туристите не изостана и покрај тоа што сезоната се уште не е започната.
„Цените годинава ќе бидат повисоки, ќе бидат 400 денари дневно за еден пар скии, а ќе имаме пластични кои ќе бидат 200 денари“, вели еден продавач на скии.
Доколку се биде добро во однос на временските услови, туристичката сезона ќе започне на 15 декември, додека во првите два дена користењето на ски-лифтовите и лифтот со шест седишта за посетителите ќе биде бесплатно.
Башким Сулејмани
