Родители и имунолози бараат да се престане со носење маски во училиштата
Комисијата за заразни болести сè уште нема дадено никаков предлог дали второто полугодие ќе започне на друг начин, поради големиот број заразени со Ковид 19. Во меѓувреме, родителите од иницијативата „Стоп на носењето маски во училиште“ велат дека нема да прифатат нивните деца да продолжат онлајн бидејќи изгубиле многу часови. Исто така, од оваа иницијатива велат дека во второто полугодие нема да дозволат нивните деца да носат маски.
Епидемиологот Драган Даниловски оценува дека во земјава треба да се постигне колективен имунитет преку инфекција, но со паралелна заштита на лицата на возраст од 70-75 години. Тој бара вадење на маските во затворени простории и во училиштата.
Од Министерството за образование и наука соопштија и дека одлуката за второто полугодие ќе се донесе врз основа на епидемиолошката состојба пред почетокот на наставата која се очекува да започне на 20 јануари.
Melihate Rustemi
