Приватното здравство се жали – „работиме на раб на егзистенција“
Од близу пет илјади приватни здравствени установи на речиси половина им се заканува згаснување. Од новоформираната Комора на приватното здравство алармираат дека се во сериозна егзистенцијална криза и на раб на опстанок. Причина за тоа велат дека им се зголемите трошоци. Бараат средба со претставници на Министерството за здравство за да се најде решение. Во Комората членуваат приватни здравствени установи од сите сектори, општи лекари, стоматолози, аптеки, веледрогерии, медицински специјалистички ординации и други правни субјекти.
„Сите трошоци се зголемени за 80 до 100 отсто, а некои и до 200 отсто. На пример, ние ако ги купувавме ракавиците за 160 денари пред ковид кризата, сега минимална цена е 650 денари кутија. Како ординација го зборувам ова, не зборувам колку се во аптеките во малопродажба“, вели Тања Дејаноска претседател на Комората за приватно здравство.
