Филипче: Денеска состанок на Комисијата за заразни болести, ќе има ли предлог за нови мерки?

Денеска комисијата за заштита од заразни болести ќе дискутира за евентуално воведување на нови рестриктивни мерки за заштита од ширењето на Ковид-19, рече во одговор на новинарско прашање министерот за здравство, Венко Филипче.

„Тоа што би можело евентуално дополнително да се предложи е целосно затворање на некои економски оператори кои во овој момент функционираат и ограничување на движењето, дали во текот на попладневните или вечерните часови или за време на викенд, но според утринската координација што ја имавме сметаме дека ова не треба да се препорачува, но ја пратиме епидемиолошката ситуација и ако треба ќе носиме одлуки“, рече Филипче.

Како што додаде тој, во моментов здравствениот систем е под огромен притисок и оти во моментов ситуацијата е критична.