Избори, Мицкоски верува дека има мнозинство

Распуштањето на Собранието најдоцна во февруари и предвремени избори во мај се роковите што ВМРО-ДПМНЕ е убедена дека ќе ги спроведе за да ја реализира политичката цел. Првиот човек на оваа партија, Христијан Мицкоски, вели дека многу пратеници на СДСМ и на ДУИ, ја поддржуваат идејата за нови избори, но не кажува кои се тие.

Advertisements

СДСМ ја демантира можноста Мицкоски да има поддршка за формирање ново мнозинство со кое ќе може да го распушти Собранието.

„Кај Мицкоски ништо не е сменето. Тој ја започна годината на ист начин како што ја заврши и ја помина цела 2022 година. Нема да има предвремени избори. Во 2024 година, Мицкоски го чека 7-ми и 8-ми последователен пораз како претседател на ВМРО-ДПМНЕ. Јавните поплаки на Мицкоски, ниту неговите измислени лаги за ново мнозинство, не можат да ги запрат реформите или напредокот на земјата“, велат од СДСМ.

СДСМ има за цел годинава да го промени Уставот и да продолжи со отворање на преговарачките поглавја со ЕУ на крајот на годината.

Фатлуме Дервиши