Ајола Ѕоѕа, сопругата на Ерион Велиај, првпат реагираше на обвинувањата од СПАК

Ајола Ѕоѕа, сопругата на Ерион Велиај, првпат реагираше на обвинувањата од СПАК, против неа и нејзиниот сопруг, градоначалникот на Тирана, кој е во притвор.

Advertisements

Во долгиот пост Ѕоѕа вели:„за фустаните и накитот од 800 илјади евра дознав во исто време со вас“. Според неа, ова е голема лага, притоа додавајќи дека „вкупните онлајн набавки кои вклучуваат облека, козметички производи и фармацевтски производи, додатоци, за десет години изнесува 75 илјади евра. Ѕоѕа ги негира обвинувањата на СПАК, велејќи дека е подготвена се детално да објасни и најави дека ќе се соочи со правдата се до Судот во Стразбур.

Ајола Ѕоѕа, под мерка на „задолжително пријавување“, СПАК ја обвинува за „пасивна корупција“ во 9 случаи, за перење пари и за непријавување приходи. Во меѓувреме, градоначалникот Ерион Велиај е обвинет за злоупотреба на службената положба, активна корупција, пасивна корупција, непријавување имот и перење пари.