Албанскиот јазик на полициските униформи остана само ветување на хартија
Примената на Законот за јазиците на полициските униформи останува ветување на хартија. Од Владата велат дека нормативните акти поднесени од поранешниот министер за внатрешни работи, Агим Нухиу, се во процедура. Актуелниот министер, Оливер Спасовски не дава рок кога ќе го побара указот за употреба на албанскиот јазик на униформите и амблемите на полицијата.
Двојазичноста на полициските униформи се заснова на одредбите од член 8 од Законот за јазици.
Член 8, став 3:
„Униформите на полицијата, пожарникарите, на здравствените работници: во Скопје и во општините каде најмалку 20% од граѓаните зборуваат службен јазик различен од македонскиот, се напишани на македонски и неговата кирилска азбука, како и на јазикот што го зборуваат најмалку 20% од граѓаните во Република Македонија и неговата азбука.”
Токму овој член беше еден од најспорните делови на законот поради кој Владата одлучи да го испрати текстот на законот за професионално мислење до Венецијанската комисија. Нивното мислење беше дека прашањето за двојазичност на униформите не е регулирано со меѓународно законодавство или конвенции и затоа употребата на албанскиот јазик во униформите нема основа да се оспорува.
Поранешниот министер Нухиу ги потпиша нормативните акти на 10 август, а оттогаш Владата беше обврзана да го одобри указот за спроведување на законот. Потоа, Секторот за внатрешни работи мора да ја утврди Регулативата врз основа на која албанскиот ќе се употребува на амблемите и униформите, за потоа да ги регулира тендерските процедури.
Адриан Керими
