Александар Даштевски избран за претседател на ДИК, Детмире Шеху останува потпретседателка

Собранието денеска со 95 гласа „за“ го избра новиот состав на Државната изборна комисија. Ниту еден од пратениците не се противеше на предложениот старо – нов состав на ДИК.
Нов претседател на Државната изборна комисија е Александар Даштевски, кој е поддржан од опозициската ВМРО ДПМНЕ. Него во новиот состав ќе го заменува актуелната потпретседателка, Детмире Шеху.
Мандатот на актуелниот состав на ДИК, со кој претседава Оливер Дерковски истекува в петок, на 15 јануари. Дерковски нема да биде дел од новиот состав на Државната изборна комисија.