Претседателот на Наполи, Аурелио де Лаурентис, ја разгледува можноста да го доведе тренерот Стефано Пиоли, кој сигурно ќе го напушти Милан на крајот на сезоната.
Пиоли е под голем притисок на „Сан Сиро“ бидејќи неговиот тим заостана во борбата за титулата во Италија и беше елиминиран од Лигата на шампионите. И покрај тоа што е под договор до летото 2025 година, медиумите од Апенините тврдат дека Пиоли ќе го напушти Милан на крајот од сезоната. Како можна замена најгласно се споменува Антонио Конте.
Според „Ил Матино“, Де Лаурентис е голем фан на Пиоли и ја разгледува опцијата да го доведе на лето на местото на Валтер Мацари. Претседателот на Наполи особено го цени флексибилниот начин на работа на Пиоли и успехот кој го постигна на клупата на Милан. Инаку, Пиоли е еден од најплатените тренери во Европа. Моментно во Милан заработува околу четири милиони евра годишно, значително повеќе од она што го имаа Лучијано Спалети (2,8 милиони) и Руди Гарсија (3 милиони) во Неапол.
