Автобусите на ЈСП денеска не возат низ Скопје

Автобусите на Јавното сообраќајно претпријатие – ЈСП Скопје утринава во пет часот, на почетокот на работното време, останаа во гаража. Скопјани бадијала ќе чекаат на станица, автобусот нема да дојде.

Возачите рано утринава се собраа на протест во кругот на претпријатието, но одбија да влезат во автобусите поради неисплатена плата.

Тие не прогласиле штрајк, но велат дека се гладни и не се во состојба да возат и да ја преземат одговорноста за стотина патници. Велат дека нема да возат додека не добијат плата.