Бауш: Државата има инструмент да постапува и при џентлменски договори

Економистот Абдил Бауш, во своето вечерашно гостување во емисијата “Економски Магазин“ на Алсат го отвора прашањето дали преку мерката за субвенциониране електрична енергија и џентлменските договори власта исфорсирала одредени компании. Како што додава тој, одредени комисии имаат можност да постапуваат и при склопување на таков тип на договори.

„Комисијата за заштита на конкурентноста требаше да види кои фирми ги земаат тие пари. Дали ги разгалуваме овие економски оператори. Да видиме кому му даваме субвенционирана електрична енергија. Тоа се буџетски пари. Таа заштита на конкурентноста требаше да види дали се форсираат одредени компании. А, од 2020 наваму гледаме дека форсиравме некои компании“, вели Бауш.