Борг: Остануваме посветени на мирот и на нашите одговорности

Министерот за надворешни работи на Малта и следен претседавач со ОБСЕ, Јан Борг, во своето обраќање на завршната прес-конференција од 30. Министерски состанок на ОБСЕ во Скопје, рече дека организацијата ќе остане посветена на мирот и стабилноста, како и на почитување на Хелсиншкиот договор.

Advertisements

„Мораме да се фокусираме на ставање крај на војните и конфликтите. Руската воена агресија врз Украина мора да запре. Продолжувајќи го заедничкиот пат, остануваме посветени на исполнување на нашите должности и одговорности во духот и принципите на Хелсиншкиот договор“, рече Борг.