![](https://alsat.mk/mk/wp-content/uploads/2024/05/Luka-Doncic-77-celebrates-with-forward-P.J.-Washington-780x470.jpg)
Екипата на Далас Маверикс одигра уште еден одличен натпревар и со победа над Минесота Тимбервулвс (116-107) поведе со 3-0 во серијата од финалето во Западната конференција, па се наоѓа на еден триумф од големото НБА-финале.
Дуелот меѓу двата тима тргна во знакот на Далас, имаше тимот од Тексас двоцифрена предност, но Минесота предводена од Конли кој беше расположен во шутот за три и Таунс се врати во мечот и така имаше неизвесна игра до самиот крај.
Мечот се „скрши“ кога од 104-104, Минесота влезе во грешки, а тоа Далас мудро го казни и се одлепи на 116-105. Натпреварот го одбележаа двете ѕвезди на Далас Маверикс, Лука Дончиќ и Кајри Ирвинг кои погодуваа кога беше најпотребно. Двајцата комбинираа повеќе од 50% од поените на својот тим. Двајцата дадоа по 33 поени за Далас, додека кај Минесота, Едвардс заврши со 26 поени, пред Конли со 16 поени.
Следниот натпревар меѓу Минесота Тимбервулвс и Далас Маверикс се игра на 29 мај.