Демири: Премиер Албанец е најголемата изборна лага на ДУИ

Авдуш Демири од Движењето БЕСА, идејата за прв премиер Албанец ја оценува како голема лага на ДУИ. Тој дури ја потсети ДУИ на поразот на локалните избори во Полог, подвлекувајќи дека следниот, уште поголем удар, ќе следи на следните парламентарни избори.

„Идејата за премиер Албанец е најголемата изборна лага што се случила во предизборната кампања во Северна Македонија. Наместо да ни дадат премиер Албанец, ни дадоа двајца македонски премиери, а на моите граѓани им е доста од последователните лаги на ДУИ. Во Полог ги загуби Гостивар и Тетово, а на следните избори се очекува да го добие последниот удар и албанската опозиција да излезе како победник“, рече Демири.