Димитриевска Кочоска: ВМРО-ДПМНЕ се залага за ниски рамни даноци

Потпретседателка на ВМРО-ДПМНЕ, Гордана Димитриевска Кочоска, во своето вечерашно гостување во емисијата „Економски Магазин“ на Алсат, рече дека партијата сѐ уште се залага за ниски рамни даноци и влегување во даночниот систем на колку што е можно поголем дел од сивата економија.

Advertisements

„Ја водиме онаа иста политика на ниски рамни даноци, особено во услови на економија којашто има висок процент на сива економија, целта треба да биде ниски рамни даноци и што е можно повеќе зафаќање од таа сива економија за да може да имаме еден фер однос кон сите бизнисмени, а потоа може да зборуваме за промена на моделите на оданочување“, рече Кочоска.