ВЕСТИЕКОНОМИЈАМАКЕДОНИЈА

Димовски: Бараме зголемување на платите за да се издржат високите цени

Синдикалците поставија дваесет и едно столче пред владината зграда. Толку и министери има во македонската влада, па синдикалците на симболичен начин ги поканија функционерите да излезат од климатизираните простоирии, да станат од кожните фотељи и да излезат надвор, да го чујат гласот на работниците. Министрите не излегоа, па предводникот на ССМ Дарко Димовски ги повика преку мегафон, да најдат итно решение за вработените во јавниот сектор.

„Работникот си дојде по своето, ние немаме повеќе други начин како да издржиме во оваа економска криза. Немаме начин како да ја издржиме инфлацијата. Сериозно сфатетете ја работата за да не ја ставиве државата пред колапс. Работникот е движечката сила на оваа држава“, рече Димовски.

Синдикалците се пожалија на притисоци за време на штрајкот, но уверуваат дека ќе издржат во свооите намери. Повеќе јавни претпријатија и институции на локално ниво како Град Скопје веќе потпишаа колективен договор за зголемување на платите на вработените за 2800 денари. Утре протестот ќе биде преселен пред министерството за финансии каде синдикатот ќе побара од ресорниот министер со ребалансот да обезбеди пари за повисоки плати во јавниот сектор. Во јавниот сектор работат над 120 илјади лица. Освен повисока плата, синдикатот бара враќање на К-15 во јавниот сектор во висина од 30 до 100 отсто од просечната плата.

Иле Петревски

Прикажи повеќе

Related Articles

Back to top button