До крајот на неделава во земјата се очекуваат 600 илјади вакцини против Ковид

Утре пристигнуваат 100 000 вакцини Фајзер преку системот Ковакс, додека во недела попладне пристигнуваат 500 000 кинески вакцини од Синовак, кои ќе им бидат достапни на граѓаните следната недела. Со овие вакцини се очекува бројот на имунизирани граѓани за еден ден да се движи од 15.000 до 20. 000. вакцинирани.

Вакцинацијата на 20.000 неимунизирани наставници ќе се изврши преку истиот систем како и првата група наставници. Ова значи дека ќе бидат составени списоци со нивните имиња и тие ќе бидат вакцинирани по редослед.

Според најавите на здравствените власти, до крајот на летото се очекува да се постигне колективен имунитет односно 60-70% од популацијата да биде вакцинирана.

Вјолца Алити