Tренерот на Струга Трим Љум, Шпетим Дуро, е задоволен затоа што неговиот тим успеал да биде на врвот за време на паузата од Првата македонска фудбалска лига (ПМФЛ) и да го носи епитетот на есенски првак.
Advertisements
Стружани до тоа дојдоа со домашна победа над Брегалница во последната рунда и зад себе ги оставија Шкупи и Шкендија.
„Ќе има силно ривалство до крај меѓу нас, Шкупи и Шкендија. Но, можам да кажам дека ние сме главните фаворити за титулата. Ние сме есенски шампиони и покрај сите проблеми кои ги имавме, тука се и натпреварите во Европа и густиот календар. Нашите ривали не направија предност благодарение на ова и мислам дека заслужено сме први“, изјави Дуро.
Првата македонска фудбалска лига (ПМФЛ) се очекува да продолжи на 18 февруари.
