Две години и шест месеци затвор за Мухамед Зеќири

Поранешниот генерален секретар на Владата, Мухамед Зеќири е осуден на казна затвор во траење од две години и шест месеци. Во изречената казна затвор му се пресметува и времето поминато во притвор и куќен притвор.

Зеќири се товари дека во периодот од април 2021 до јануари 2022 година во својство на генерален секретар на Владата, без да спроведе јавна набавка, склучил договори за консултантски услуги во вкупна вредност од речиси еден милион евра, односно биле платени 147.000 евра повеќе од претходно договорените 795.000.