Еден Азар, кој неодамна на 32-годишна возраст, ја заврши кариерата, одбил богата понуда да се врати од пензија. Тој одбил 1.100.000 евра неделна плата или околу 52 милиони евра годишно за да потпише договор со клуб од Саудиска Арабија.
Азар, поранешен белгиски репрезентативец, добил три понуди од Саудиска Арабија, односно од клубовите од оваа земја. Ова го тврди неговиот поранешен соиграч Џон Оби Микел. Тој вели дека Азар му го потврдил тоа и рече дека нема да прифати богатство да се врати од пензија.
„Микел знаеш дека имам многу пари. Знаеш и како живеам, не трошам многу. Имам доволно да живеам со семејството”, бил одговорот што Азар му го дал на Микел на прашањето дали би ја прифатил понудата.
Азар се пензионираше како икона на Челзи и најлошиот трансфер во историјата на Реал Мадрид, кој го донесе летото 2019 година за 115.000.000 евра. Спротивно на очекувањата, Азар за Реал одигра само 76 натпревари благодарение на низата повреди и лошата форма, постигна само седум гола и забележа 12 асистенции. За споредба, тој постигна 110 гола со 92 асистенции на 352 настапи за Челзи.
