ВЕСТИМАКЕДОНИЈА
Филипче: Дневен капацитет за вакцинирање во поликлиниките е 880 лица
Дневниот капацитет за вакцинирање е 880 лица во сите поликлиники во здравствениот дом во Скопје и дополнителни 500 во пунктот во Клиничкиот центар во Скопје, информираше денеска министерот за здравство Венко Филипче.
Како што кажа тој и во другите градови низ земјава вакцинирањето ќе се спроведува во вакциналните пунктови според праксата за вакцинирање од сезонски грип.
Инаку, како што е веќе најавено, приоритет за вакцинирање се здравствените работници коишто работат со ковид пациенти. Досега, според министерот Филипче, се пријавени 4.000 здравствени работници, од кои 2.000 се од Скопје.