Филипче: Ивермектин само со препорака од лекар

Здравствените институции ќе започнат со лекување на пациенти со КОВИД-19 со друг лек, наречен „Ивермектин“. Министерот за здравство, Венко Филипче, рече дека постојат индикации дека во одредена категорија на заразени лица употребата на лекот дава резултати. Ивермектин е антипаразитски лек со широк спектар, неговата употреба треба да биде исклучиво под медицински надзор, без разлика дали се лекувате дома или во болница. Министерството за здравство апелира лекот никако да не се користи без препорака на лекар. Синоќа, матичните лекари го примија протоколот за употреба на горенаведениот лек.

Каква треба да биде здравствената состојба на пациентот што во терапијата за лекот Ивермектин, здравствените институции не даваат информации. За употреба на овој лек против коронавирус, во април на универзитет во Австралија се спроведе студија. Податоците покажаа дека употребата на Ивермектин во заразена клетка на Ковид-19, ја намалила репликацијата на клетките за 48,98% во рок од 48 часа и не е забележана токсичност. Во последните три децении, лекот е пропишан во 3,7 милијарди дози ширум светот.

Бројот на лица заразени со коронавирус во нашата земја од почетокот на пандемијата достигна над 87 илјади. Од нив, над 68 илјади се опоравија, над 2600 починаа, додека над 16 илјади случаи продолжуваат да бидат активни.

Еви Шкопи