Филипче: Лекот „Ремдесивир“ ќе се увезе и во Македонија

Антивирусниот препарат, лекот „Ремдесивир“ ќе се увезе во Македонија, рече на денешната прес конференција министерот за здравство Венко Филипче, додавајќи дека средствата се обезбедени преку министерството за финансии.

„Европската унија, преку Европската комисија набави „Ремдесивир“ за повеќе од 30 земји од Европа“, рече Филипче додавајќи дека на утрешната седници министерството за здравство ќе побара овластување да го потпише договрот за набавка на лекот. Очекувањата се дека за кратко време, по потпишување на договрот лекот би бил доставен до нашата земја.