Финансиската полиција врши истрага во три обложувалници
Финансиската полиција отворила предмет поради сомневање за проневера на пари и злоупотреба на лични податоци од страна на неколку обложувалници. Алсат дознава дека станува збор засега за три обложувалници со звучни имиња од овој бизнис. По „чешлањето“ на наодите на Антикорупциска, Управата за финансиска полиција ќе го извести и обвинителството за овој случај.
„Оформен е таков предмет во Управата за финансиска полиција, и по истиот ќе се постапува согласно надлежностите. За наодите од проверките ќе биде известен надлежен обвинител.“
Антикорупционерот Горан Трпеноски кој го обелодени овој случај за Алсат вели дека како што се продлабочува нивната истрага, така се повеќе вели дека станува очигледно дека обложувалниците имале помош од службеници во некои од финансиските институции како што е УЈП. Трпеновски смета дека за ваква проневера не е можно да е доволна само дупка во Законот за игри на среќа.
„Финансиската полиција треба да ги провери сите наши наоди како успеале тие пари да се стават на даночната пријава дали е тоа организирана група од УЈП или други финансиски институции бидејќи за ваква работа не може да биде само проблем во законот, односно според мене не е ова ниту проблем на обложувалниците, туку законот им овозможува да има сомнеж за одредени трансакции.“
Алсат побара став и од Управата за јавни приходи, од каде велат дека стојат на располагање на сите релевантни институции за координиран пристап при ваков тип на измами.
„Управата за јавни приходи, податоците во годишната даночна пријава ги сублимира врз основа на пријавените податоци од исплатувачите. Исплатувачите имаат обврска за точно пријавување на остварените приходи со цел да се изврши оданочување.“
Од Асоцијацијата на спортски обожувалници вчера се огласија со писмено соопштение во кое ги отфрлаат сите наводи за можни злоупотреби. Податоците на граѓаните обложувалниците велат дека ги користат само во случај која треба да се задржи данок на добивката од играчите кои добиле пари на спортска. Додаваат дека за подобра контрола, нивните податоци речиси 10 години веќе секојдневно се следени од Управата за финансиско разузнавање. Тврдат дека не може податок за некој играч да се појави доколку лицето никогаш не остварило добивка и не оставило свои податоци при подигнување на исплата на тикет.
Инаку, овој скандал антикорупционерите го откриле при проверка на податоци на државен функционер, кој изјавил дека никогаш не играл ниту пак добил пари од игри на среќа. Антикорупционерите тврдат дека засега имаат докази за проневера на над 40 илјади евра.
Ile Petrevski
