Газди на 179 фирми земеле државна помош за исплата плата, но платата наместо на вработените, ја задржале за себе. Директорката на УЈП, Сања Лукаревска, вели дека државата е оштетена за дури 85 илјади евра, а околу 340 вработени не си ја земале октомвриската плата. Следуваат опомени, потоа присилна наплата, но и барање за кривична одговорност.
„Покрај сите оние јавни опомени и покрај тоа што имаме соодветна постапка во Јавното обвинителство, истите се уште не ја исплатите помошта на своите вработени, а ја земале. Законот налага да се изрече прекршочна санкција, тоа е еден сегмент од тоа како ќе се постапува кон овие неплаќачи“, рече Сања Лукаревска- директорка на УЈП.
Дел од газдите кои не дале плата на вработените се истите кои ја злоупотребија помошта и за месеците април, мај и јуни. Пред сè станува збор за секторите трговија на мало, транспорт и фирми кои продаваат готова храна. Помошта во вид на исплата на плата на вработените ја искористиле близу 13 илјади фирми и земале од 14.500, па сè до 21.700 денари по вработен во зависнот од тоа колку им бил падот на приходите. Фирмите ќе може да аплицираат и за месеците ноември и декември.
Андреа Чобанова