Георгиевски: Бугарија не треба да стравува, дискусиите за историјата ќе продолжат и ако ги почнеме преговорите со ЕУ

Воздржувањето на Бугарија од вето на почетокот на преговорите на Македонија со ЕУ нема да значи крај на преговорите за отворените прашања меѓу Софија и Скопје, вели во вечерашното гостување во емисијата „360 Степени“, поранешниот премиер и екс лидер на ВМРО-ДПМНЕ, Љубчо Георгиевски.

Како што проценува тој, последниве години помеѓу двете соседни земји владее позитивна клима на приближување.

„Бугарската јавност мора да сфати дека ако сега почнат преговорите на Македонија со ЕУ ништо не е затворено, тие и понатаму можат да ја раскажуваат нивната приказна…нивното толкување на историјата никој не го забранува, ниту пак, ги тера да се откажат од нивното толкување, иако е добро што повеќе теми да се затворат“, вели Георгиевски.