Градот ги уништи речиси сите земјоделски посеви во село Страчинци

“Овде имам над 100 тони лубеница, штетата е преголема, очекувавме цела година од ова да преживееме“.

За неколку дена лубениците требаше да се продаваат на пазарот, но за само неколку минути град уништи се што работеа Решат и четворицата членови на семејството.

„Ги изнајмуваме нивите, ги засадивме лубениците и пред две ноќи бевме оштетени од град, овде имавме речиси два хектара лубеници и родот е 100% оштетен. Лубениците беа зрели, два дена продавав, остатокот остана на нивата. Не сме вработени, четворица од семејството се занимаваме со земјоделство, немаме каде да одиме, купивме и лозје и мислевме да го отплатиме со лубениците кога ќе ги продадеме, но немаме што да правиме, Божја работа“, рече Решат Сејфулаху, земјоделец.

Градот ги уништи речиси сите земјоделски посеви во село Страчинци, каде што за жителите ова е единствен извор на егзистенција.
ИСМАИЛ НУРЕДИНИ – ЗЕМЈОДЕЛЕЦ

„Има околу 30 илјади евра штета. Штети има многу, само два хектара што ги имаме се близу 70 тони лубеници. 100% е оштетен родот и тутунот и доматите се оштетени, 70% од селото се занимава со земјоделство и немаме приходи од никаде, очекуваме општината или државата да ни помогне“, нагласи Исмаил Нуредини, земјоделец.

„Штетата е многу голема, дињата би била на пазар за 15 дена, на ова се надевавме, немаме други приходи, очекуваме државата да ни помогне. Се занимаваме само со земјоделство, тутун, лубеници и дињи“, додаде Џемаил Нуредини, земјоделец.

Жителите на селото Страчинци бараат помош од државата барем да ги покрие трошоците за штетите од невремето. Покрај штети на земјоделските култури, град и поројниот дожд предизвикаа и големи штети на возилата и куќите./Алсат.мк

Авни Тахири