Градската управа во Скопје планира есенва да се засадат нови 15 илјади дрвја

Јавното претпријатие „Паркови и зеленило“ и Град Скопје ја продолжуваат акцијата за засадување на околу 15 илјади садници во текот на есенскиот период. Главните булевари во главниот град ќе добијат нови иглолисни и зимзелени садници, грмушки, трајни растенија и топиари. Сепак, од ова претпријатие велат дека сè уште има несовесни граѓани кои ги оштетуваат зелените површини, но за среќа таквите случаи се намалуваат.
„Имам принцип во мојот живот, велам дека тие немаат моќ да искорнат, колку што јас имам моќ да насадам. Навистина сакам да бидам искрен, свеста е зголемена до максимум. Денеска сме тука на Втора македонска бригада и засадени се околу 160 зимзелени дрвја. Акцијата ќе продолжи низ целиот град Скопје, на сите булевари, каде се планира да се засадат над 15 илјади дрвја за оваа сезона. “

Градоначалникот на Чаир апелираше до граѓаните да ги чуваат заедничките зелени површини.

„Сакам да апелирам, но и да бидам благодарен, затоа што гледам дека за секоја инвестиција на зелените површини, мислам дека сега населението има поголемо внимание и внимателно ги чува.“

Оваа акција во наредните денови ќе биде насочена кон булеварот „Никола Карев“, потоа кон т.н. Пластичарска и пред општина Чаир.

Подготви: Еви Шкопи