Тетовската болница снема персонал, а градскиот Завод за вработување преполн со невработени медицинари

Додека бројот на медицински персонал во Тетовската болница се намалува како резултат на заразување со КОВИД-19 или одење во изолација, во Заводот за вработување во Тетово, над 600 медицински сестри и 20 лекари чекаат со години да се вработат.

Од тетовската болница велат дека доколку има законски можности ќе бараат нови вработувања.

„Не знам како е правниот дел, но верувам дека тоа го овозможува и тоа ќе биде добра можност.“

Освен зголемувањето на бројот на лекари и медицински персонал кои се регистрирани како невработени во Агенцијата за вработување, зголемен е и вкупниот број на невработени од почетокот на пандемијата.

Како резултат на економската криза предизвикана од пандемијата, многу граѓани останаа без работа поради затворање на компании во тетовскиот регион.

Башким Сулејмани