Граѓаните се против зголемувањето на цените на горивата во име на еколошкиот данок

Граѓаните ја критикуваат последната одлука на Владата за еколошки данок, со што се зголемува цената на горивото за 3,5 денари. Во анкета за Алсат, граѓаните велат дека единствената цел е да се пополни државниот буџет, на штета на граѓаните.

„Тотален неуспех на Владата и голема корупција на штета на населението од кои 80 проценти едвај преживуваат“.

„Ова не е нормално. А што има нормално во оваа држава! Се е ненормално. Погледнете го градот, вие што шетате со камери, ова е тоа што најмногу го користат граѓаните или видете ги уличните светла пет години се скршени и никој не ги ни допрел“.

„Владата мора да го земе предвид стандардот на граѓаните и потоа да реагира со такви мерки. Ваквите мерки секогаш први ги погодуваат граѓаните, но мислам дека тоа се знаци за целосен неуспех“.

„Тие ги земаат за себе парите, за работничката класа нема ништо. Лошо е што ја зголемија цената на нафтата! Јас самиот сум таксист залудно е. Автомобилите не испуштаат чад за да го загадат воздухот. Владата гледа само за себе, ги зголемуваат даноците ја зголемуваат нафтата и ја полнат државната каса“.

Вчера премиерот Заев рече дека со данокот за животната средина, кој ја зголемува цената на горивото, намерата е земјата се повеќе да се насочи кон користење на зелената енергија. Од овој данок годишно се очекува да се соберат околу 34 милиони евра, кои според премиерот ќе бидат наменети за обновливи извори на енергија.

Башким Сулејмани