Храна која помага против процесот на стареење не е нешто ново, но сепак да се потсетиме кои видови ќе направат вашата кожа да блеска од здравје и свежина, што е одлика на младешкиот изглед.
Авокадо
Авокадото е супер храна која ја прави кожата помлада. Содржи незаситени масни киселини, калиум, железо, бакар, фосфор и магнезиум, витамин А и витамини Ц и Е и е еден од најдобрите извори на растителни влакна. Витаминот Е помага во спречување на брчки и е добар за сјајна коса и светла и мазна кожа, додека моно заситените масни киселини помагаат во намалување на холестеролот во крвта.
Темно чоколадо
Темното чоколадо што содржи минимум 70% какао ќе и помогне на кожата да се одбрани од негативните ефекти на токсините и да го спречи предвременото стареење на кожата. Научниците докажаа дека темното чоколадо е одличен извор на флавоноиди, соединенија со антиоксидантна активност кои се моќни сојузници во заштитата на кожата, особено од сончање и УВ зрачење.
Домати
Покрај тоа што се вкусни, доматите се добри и за одржување на здравјето на кожата, сето тоа заради моќниот антиоксиданс ликопен. Ликопенот делува како крема за кожа само за да обезбеди заштита одвнатре, а нејзините антиоксидантни својства ги штитат клетките од стареење и деструктивно дејство на разни токсини. Научниците исто така тврдат дека ликопенот помага во хидрирање на кожата и затоа препорачуваат луѓето кои остануваат во климатизирани простории подолго да јадат што е можно повеќе домати.
Ореви
Лешниците, оревите и бадемите се вистински извор на омега-3 масни киселини, кои имаат антиинфламаторно дејство и спречуваат акни. Покрај тоа, тие се богати со витамин Е, кој спречува рано појавување на брчки и мозолчиња. Тие треба да се консумираат во помали количини. Препорачаната дневна доза е, на пример, три до четири ореви или пет до шест бадеми.
Бобинки
Малина, капина, рибизли, брусница, боровинки и други бобинки се богати со антиоксиданти, кои се главните борци против слободните радикали. Слободните радикали ги оштетуваат мембраните и клетките на кожата, додека антиоксидантите ги штитат. Конзумирањето на бобинки го намалува ризикот од оштетување на кожата и обезбедува заштита од предвремено стареење. Боровинките се сметаат за најголем извор на антиоксиданти кои имаат анти-старосни ефекти заради нивното дејство.
Маслиново масло
Антиоксидансите во маслиновото масло помагаат во забавување на процесот на стареење, а витаминот Е ја штити кожата од УВ зраците. Покрај тоа, маслиновото масло е богато со моно незаситена олеинска киселина, која и помага на кожата така што длабоко да ја навлажнува и спречува појава на акни. Најдобро е да се конзумира сурово девствено маслиново масло, на пример со додавање во салати, за да дојдат до израз неговите корисни ефекти.
Извор: hybrid.mk
