Игор Јанушев од ВМРО прв к’сметлија од изменетиот Кривичен законик

Поранешниот премиер Никола Груевски ќе профитира најмногу од вчерашните усвоени измени во Кривичниот законик, со кои се намалија и укинаа одредбите кои предвидуваат затворски казни за кривичните дела „злоупотреба на службената положба“ и „криминално здружување“. Груевски е ослободен од правосилната 9-годишна затворска казна во случајот „ТНТ“ за незаконското уривање на објектот „Космос“ на бизнисменот Фијат Цановски. Бегалецот во Унгарија е ослободен и од казната за случајот „Траекторија“ со кинеските автопати, а за една година му застарува и казната за случајот „Тенк“ кој се однесува на мерцедесот од половина милион евра.

Поранешниот шеф на УБК Сашо Мијалков е ослободен од обвиненијата за случајот „Таргет Тврдина“ за масовното прислушување граѓани и политички противници во С Македонија, скандал што го објави поранешниот опозициски лидер Зоран Заев. Мијалков ќе куртули и од обвинението за случајот „Трезор“, предмет кој во ноември минатата година беше застарен благодарение на повтореното судење и чувањето на предметот во фиоки од страна на судијата Енвер Беџети.

Првиот активен функционер на ВМРО-ДПМНЕ кој ги почувствува придобивките од измените на Кривичниот законик под знамето на ЕУ е пратеникот Игор Јанушев. Тој денеска беше осуден на условна казна за купувањето на кинеските автобуси, пресуда што ја соопшти судијата Осман Шабани без присуство на обвинетиот и обвинителот на случајот.
Со новите измени во Кривичниот законик ќе се спаси и поранешниот министер за транспорт и врски, Миле Јанакиески. Судските одлуки против него во случајот „Топлик“ за доделување земјиште за изградба на „Сончев град“ и „ТНТ“ повеќе не важат.

Двајца други пратеници од оваа партија кои повеќе нема да бидат гонети и нема да се појавуваат на суд се Антонио Милошоски и Љупчо Димовски, последниов пратеник на Социјалистичката партија. Благодарение на новиот Кривичен законик, присвојувањето на општински имот повеќе нема да биде законски товар за Милошоски.

Од актуелните владини функционери, поранешните генерални секретари на Владата, Мухамед Зекири и Драги Рашковски, благодарение на укинувањето на ставот 5 од членот 353, нема да бидат гонети за злоупотреба на јавни средства во јавна тендерска постапка. Иако не се очекува Зекири и Рашковски да бидат ослободени од кривичните мерки, Обвинителството за гонење на организиран криминал и корупција побара продолжување на обвиненијата против нив. На веб страната на ЈО за делото Криминално здружување, се случаи за перење пари, шпионажа и трговија со дрога, а случаите поврзани со „злоупотреба на службената положба“ резултираат главно за раководители на јавни институции кои преку својата криминална активност го оштетиле државниот буџет и злоупотребиле материјални добра.

Адриан Керими