Инспекторатот за животна средина нема ниту половина од персоналот потребен за нормално функционирање

Новинар Еви Шкопи

Инспекторатот за животна средина има на располагање само 18 инспектори за следење на целата територија на Македонија. Доколку наскоро нема нови вработувања, оваа бројка уште повеќе ќе се намали бидејќи дел од инспекторите се пред пензија. Според в.д. директорот на Инспекторатот за животна средина, Сретен Стојковски, состојбата е особено критична во однос на водостопанските инспектори, каде во моментов мора да бидат ангажирани најмалку две лица.

Директорот Стојковски вели дека во последниве години е зголемена свеста на дел од граѓаните за зачувување на животната средина и, како што вели, многу поднесоци се поднесуваат од нив онлајн. Најчестите барања во овој период, вели, се за чистење на речните корита.

“Во моментов на располагање имаме 18 инспектори, додека според систематизацијата е предвидено да бидат 42 инспектори. Сега проблематично е тоа што дел од инспекторите се стари, односно над 60 години и потребно е што поскоро да се сменат, за да се обучат. Затоа што знаеме дека времето за прием на инспектори е од 3 до 5 месеци, а обуката трае една година. Значи, сега е време да се вработат нови инспектори”, вели Сретен Стојковски – директор на Инспекторат за животна средина

“Имаме и поднесоци за фрлање опасен отпад или не на диви места, палење депонии кои не ги задоволуваат стандардите.02: 29 Годинава испративме барање до Министерството за финансии за одобрување на годишниот план за вработување, кој предвидува 6 вработувања. од кои 3 инспектори. Во тек е конкурсот за вработување на двајца инспектори за заштита на животната средина.06: 21 Писмото ни е вратено, бидејќи чекавме да се одобри буџетот. Сега кога е одобрен буџетот, повторно ќе го испратиме”, рече Сретен Стојковски – директор на Инспекторат за животна средина

Недостигот на возила е уште еден проблем за оваа институција. За следната година Инспекторатот предвидел набавка на две возила, кои, како што вели директорот Стојковски, се уште не се доволни со оглед на тоа што Шар Планина веќе е национален парк, а бројот на мали хидроцентрали е зголемен. И покрај барањата, набавката на возила не е одобрена.