Иран планира да збогатува ураниум до 20 проценти

Иран ја информирал Меѓународната агенција за атомска енергија (МААЕ) дека планира да збогатува ураниум до чистота од 20 проценти, што е далеку над границата поставена со Нуклеарниот договор од 2015 година.
Агенцијата на ОН со седиште во Виена вчера соопшти дека Иран ова го соопштил во писмо до нив.

„Иран ја информира Агенцијата дека ќе се придржува со законот кој неодамна го донесе нивниот парламент, Организацијата за атомска енергија на Иран да го збогатува ураниумот до 20 проценти“, соопшти МААЕ.