Калабалак со вакцинирањето во Скопје, гужви, дишење во врат, чекање со часови

Во атмосфера на гужви и турканици се отвори пунктот за вакцинација во поликлиниката Букурешт во Скопје. Насобрани граѓани и без почитување на мерките за држење на растојание. Некои од нив револтирани. Тврдат дека редот и термините не се почитуваат и оти вработените пуштаат граѓани без термин и преку пријателски врски. Некои од нив, поради ваквите проблеми, размислуваат да одат да се вакцинираат во Србија.

Иста слика, па уште и похаотично денеска беше во А1 Арената „Борис Трајковски“, најголемиот центар за вакцинација во земјава.

Алсат беше и во поликлиниките Чаир и Јане Сандански, каде за разлика од другите пунктови што ги посетивме, процесот се одвиваше без проблеми. Инаку, денеска покрај вакцинацијата со кинеската вакцина Синофарм, постарите лица се вакцинираа и ревакцинираа и со дозите на Астра& Зенека кои синоќа пристигна во земјава преку механизмот Ковакс. Досега се вакцинирани околу 164 илјади граѓани, од кои 30 илјади со две дози.

Вјолца Алити