„Ќе одлучувам со интегритет“ – Ковачевски кажа дали Заев ќе има влијание врз него ако биде избран за лидер на СДСМ

Моето работење и интегритет ќе ги потврдам преку политиките и преку одлуките коишто ќе ги носам доколку бидам избран за претседател на СДСМ, рече кандидатот за лидер на оваа партија, Димитар Ковачевски.

Запрашан колкаво ќе биде врз него влијанието на досегашниот лидер и премиер, Зоран Заев, кој повлекувајќи се од функцијата рече дека сѐ уште ќе има влијание врз идните одлуки во партијата, рече:

„Јас штотуку ја донесов мојата кандидатура, проследена со моја програма. Моето работење и мојот интегритет ќе го потврдам преку работењето, преку политиките и преку одлуките коишто ќе ги носам доколку бидам избран за претседател на Социјалдемократскиот сојуз“, рече Ковачевски.