Коалициjata Aлијанса за Албанците и Алтернатива со критика за предлог- законот за дигитализација на учебниците

Сè друго може да се скрие зад нацрт-законот за дигитализација на книгите, но не и целта за подобрување на образовниот процес. Ова беше едно од констатациите на Вјолце Бериша од Алијанса за Албанците и претседателот на Унијата на средношколците Бленди Ходаи, кој во емисијата „Патот кон“ дебатираа со заменик министерот Арафат Шабани.

„Можеби нема да можат да си дозволат бесплатни книги, и сега се прави обид вината да се пренесе кај институциите подоле. Дали има потреба од реформи во образованието во нашата земја. Има потреба, но веќе 20 години видовме дека толку многу се обидуваме да направиме реформи и потоа ги наполнивме подрумите со компјутери, со компјутерски делови. Колку пати се обидовме да работиме еднаш со една книга и еднаш со друга, не успеавме. Немаме ниту една година од скандалот со сапунот во нашите училишта а тука зборуваме за дигитализација“.

Ходаи од Сојузот на средношколци, го дели мислењето дека Министерството за образование прави чекор за реформи со приоритет на политиката, а не знаењето. Според него, лидерите не се навикнати да преземаат одговорност по неуспехот на реформите.

„Реформата за дигитализација на учебниците е чекор во вистинска насока, што ни недостасуваше. Ние не се согласуваме и се спротивставуваме на Министерството за образование за пристапот. Тоа е пристап кој ги занемарува клучните страни. Северна Македонија пред 2020 година никогаш не давала приоритет на образованието и здравството. Требаше да имаме пандемија за Македонија да разбере дека образованието и здравството се секторите каде треба да се инвестира повеќе“.

Заменик- министерот Арафат Шабани го оценува спротивставувањето на родителите за дигитализацијата на книгите како делумно политизирана и делумно неинформирана реакција. Нагласува дека се планира дигитализација на книгите, но реализација на процесот на настава со физичко присуство, само кога условите поради пандемијата ќе дозволат нешто такво.

„Главната критика е дали е вистинското време, затоа што пандемијата ја забрза работата на дигитализацијата. Но, дали треба да останеме и да чекаме  подобри времиња? Не е точно дека промените се прават ад-хок веднаш. Ќе бидат потребни 4-5-6 години за да се спроведат промените во најдобрата верзија. Дали учебниците ќе се отстранат? Учебниците не се отстрануваат, тие само добиваат друга форма. Одговорноста за учебниците ја презема училиштето, општината и министерството ќе финансира со блок дотации“.

Министерството за образование нема конкретен план за враќање на децата во училиштата во септември, со образложение дека за тоа одлучуваат други институции. Бленди Ходаи рече дека Унијата веќе подготвила таков план и дека министерството може да го позајми ако сака.

Evi Shkopi