Многу ученици од основните и средните училишта ја бојкотираа наставата во знак на револт против нацрт-законот за дигитализација на учебниците

Многу ученици од основните и средните училишта ја бојкотираа наставата во знак на револт против нацрт-законот за дигитализација на учебниците. Бојкотот го негираат директорите на училиштата кои ги посети Алсат, со образложение дека наставата се одвивала нормално. Тие исто така одбија да зборуваат пред камера.

„Директорот е на состанок. „Имаше настава, сè беше во ред, нормално“.

Само што излеговме од дворот на основното училиште „Блаже Конески“ наидовме на толпа ученици од петто одделение кои го изјавија спротивното. Рекоа дека ја бојкотирале наставата.

„Дали треба да се бојкотира наставата или не? Треба. Затоа што не сакаме да ги измориме очите пред компјутер. Не сакате дигитални книги? Не

„Не е добро да стоиме пред компјутерот затоа што ни се оштетуваат очите, можеме да заслепиме, затоа, не сакам“.

Од групата родители „Книги и настава треба да има“ велат дека тие не застануваат тука и покрај заканите од директорите и наставниците во училиштата.

Министерството за образование апелираше до учениците да се откажат од бојкотот, да ја продолжат наставата и успешно да ја завршат учебната година. Според МОН, секој изгубен час, особено сега кога образовниот процес е организиран во вонредни околности и во услови на пандемија, значи изгубено знаење, што е тешко да се надомести.

Групата родители „Книги и настава да има“ формирана на Фејсбук и која брои над 70 илјади членови, покрај прекинување на процедурите за донесување на законот за учебници, бара и одобрување на протоколи за враќање на учениците во училиште, предметите да не се интегрираат, како и вклучување на професионалци и ревизорски тим и интервенции за спроведување на законот.

Melihate Rustemi