Косовската влада понуди 20 000 евра за информација во врска со пукањето во Глоѓан

Одделението за тешки кривични дела при Основното обвинителство во Пеќ, соопшти дека обезбедила одредени информации, кои би можеле да доведат до расчистување  на случајот со убиството на три лица во Дечани, но признаа дека истрагата „не е лесна“.

Вечерта на 26 ноември, три лица – меѓу кои двајца ученици – беа убиени кога во нив пукаше сѐ уште непознато лице додека тие патуваа со автобус во населбата Глоѓан, општина Дечани. Мотивот за пукањето сè уште не е јасен, но косовската полиција соопшти дека нема причина да се верува дека инцидентот бил терористички чин.

Обвинителството соопшти дека елитните единици „работат 24 часа“ на потрага по осомничениот напаѓач. Владата на Косово како награда за информација која ќе доведе до расветлување или обелоденување на овој случај нуди 20 илјади евра.