Ковачевски: Не се планира воведување акциза за струјата

Васко Ковачевски од СДСМ, смета дека нема потреба од воведување на акциза на електричната енергија, како што препорачува Европската Комисија, бидејќи тоа дополнително би ја оптоварило цената на струјата. Во неговото интервју за емисијата „Економски Магазин“ на Алсат, Ковачевски вели:

„ЕК има препорака за акциза, меѓутоа таа се воведува за производи коишто енормно отскокнуваат во просек за поголема потрошувачка, како цигарите, алкохолот, горивата и тн. Сметам дека акцизата нема потреба да се воведува кај нас затоа што дополнително ќе ја оптовари цената на електричната енергија. Ќе бараме начини како да ја стабилизираме без да ја оптеретиме со акциза“, вели Ковачевски.