Ковачевски: Точно се знае кој предлага министри во техничката влада, не може да се импровизира

Структурата на техничката влада е регулирана со закон и секаква импровизација може да фрли сенка врз целиот процес, рече премиерот Димитар Ковачевски.

Advertisements

„Техничката влада е дефинирана согласно закон и точно се знае кој предлага министри во таа техничка влада, што значи дека се знае кои се министрите од парламентарното мнозинство и од најголемата опозициска партија кои министерства се предлагаа да бидат предводени од нивни предлози. Од ВМРО-ДПМНЕ треба да предложат министер во МВР, Труд и социјална политика…“, рече Ковачевски.