Кривична за Талат Џафери, па нова иницијатива за референдум

Левица поднесе пријава до Јавното обвинителство за кривично гонење на првиот човек на Собранието Талат Џафери со образложение дека тој со своја волја и спротивно на Уставот, Законот и Деловникот оневозможил спроведување на граѓанска иницијатива за организирање на референдум. Сепак, Џафери е убеден дека не ја толкувал, туку ја оценувал суштината на иницијативата за референдум. Тој во интервју за Телевизија 24 рече дека не ги прекршил своите овластувања.

Џафери вели дека ниту една досегашна кривична пријава против него не била успешна бидејќи се утврдувала регуларност на неговото постапување. Од ВМРО-ДПМНЕ оценуваат дека освен што Џафери ги прекршил Уставот и законите кога ја отфрлил нивната иницијатива за референдум, воспоставил и опасна практика.

Уште една иницијатива за референдум сега најавува Левица. После тоа, македонските опозициски партии се подготвени за поригорозна блокада на законодавниот дом./Alsat.mk

Фатлуме Дервиши