Лидерот на ДП Сали Бериша излегува од домашен притвор

Специјалниот суд против организиран криминал и корупција, го ослободи од домашен притвор лидерот на Демократската партија Сали Бериша, поранешен албански претседател и екс-премиер.

Advertisements

Во изјава за медиумите неговиот адвокат, Генц Ѓокутај, изјави дека нема друга безбедносна мерка за Бериша, што подразбира и враќање на патната исправа, откако судот утврдил дека за него не постојат услови и критериуми за каква било мерка на безбедност.

„Судот заклучи дека за господинот Бериша веќе не постојат услови и критериуми за каков било вид мерка. Со судијката Ирена Ѓока се караме една година и нешто. Ставот на Стразбур е одлучувачки и има примарна улога во оваа работа. Специјалното обвинителство, СПАК, нека прави што сака“, изјави адвокатот Ѓокутај.